नगर शहरातील नंदनवन लॉन्स या ठिकाणी आज मंगळवारी मेगा ब्लड डोनेशन कॅम्पचे आयोजन करण्यात आलेले आहे. या निमित्ताने हजारोच्या संख्येने रक्तदाते या ठिकाणी येत रक्तदानाचे पवित्र काम करत असल्याचे दिसून येतेय. ऑल इंडिया मोबाईल रिटेलर्स असोसिएशन अर्थात एमरा या सामाजिक उद्देशातून कार्य करणाऱ्या संस्थेच्या वतीने आयोजित मेगा ब्लड डोनेशन कॅम्प साठी नगर शहराचे आमदार संग्रामभैय्या जगताप यांनी मोठा पुढाकार घेतला आहे.या मेघा ब्लड डोनेशन कॅम्पसाठी आय लव नगर यासह शहरातील विविध सामाजिक संस्थांनी मदतीचा हात पुढे करत सहभाग घेतला आहे. शहरातील नंदनवन लॉन्स(मंगलकार्यालय) या ठिकाणी मंगळवारी सकाळपासूनच शेकडोच्या संख्येने रक्तदात्यांनी आपली उपस्थिती दाखवत रक्तदानाच्या महान कार्यात सहभाग नोंदविला.त्या निमित्ताने आयोजित विशेष कार्यक्रम साठी जिल्हाधिकारी सालीमठ जिल्हा पोलीस प्रमुख राकेश ओला यांच्यासह अनेक मान्यवर उपस्थित राहणार आहेत. या कार्यक्रमासाठी नगर शहराचे आमदार संग्राम जगताप यांनी विशेष पुढाकार घेतलेला आहे. याबाबत त्यांनी सांगितले की एमराच्या माध्यमातून 2022 ला नगर शहरात मोठा ब्लड डोनेशन कॅम्प घेण्यात आला होता. त्याच पद्धतीने आज नगर शहरांमध्ये मेघा ब्लड डोनेशन कॅम्प आयोजन करण्यात आलेला आहे. नागरिकांनी विशेष करून नगर शहरातील नागरिकांनी या रक्तदान शिबिरामध्ये सहभागी होऊन नगरकरांशी असलेले आपलं नातं जोडावे असे भावनिक आवाहन केलेले आहे.अपघात झाल्यानंतर रुग्णाला आवश्यक असलेली रक्ताची गरज ही खूप महत्त्वपूर्ण गोष्ट असते. याचा अनेकांना अनुभव येतो आणि त्यामुळेच कुणालाही ऐनवेळी आपत्कालीन परिस्थिती रक्ताचा रक्ताची गरज वाटल्यास त्यात अडचण येऊ नये यासाठी नागरिकांनी रक्तदान केले पाहिजे. यासाठी आमदार जगताप यांनी रक्तदात्यांना पुढे येण्याचा आवाहन केलं आहे. सुरू असलेल्या महा रक्तदान शिबिरामध्ये शेकडेच्या संख्येने रक्तदाते आज उपस्थित असलेले दिसून येत असून अधिकाधिक नागरिकांनी या शिबिरामध्ये सहभागी होऊन आपले योगदान द्यावे असे आवाहन अहमदनगर मोबाईल रिटेल असोसिएशनच्या वतीने करण्यात आलेले आहे.
- Advertisement -
