जामखेड (प्रतिनिधी – नासीर पठाण ):
भाजपचे खासदार डॉक्टर सुजय विखे पाटील यांनी दक्षिण लोकसभा मतदारसंघामध्ये मतांसाठी डाळ साखर वाटप केली असून त्यांची ग्रीनीज वर्ल्ड बुक मध्ये नोंद करावी अशी खोचक टीका आमदार नीलेश लंके यांनी जामखेड येथील दौऱ्यामध्ये केली आहे. गेल्या अनेक वर्षांपासून विखे पिता – पुत्र सत्त्- ोत असताना त्यांना विकासाचे प्रश्न सोडवता आले नाही. अपयश झाकण्यासाठी विखे पाटील पिता पुत्राने महसूल विभगात भ्रष्टाचार करून डाळ साखर वाटली असल्याचा हल्लाबोल लंके यांनी केला.
निलेश लंके यांची स्वाभिमान जनसंवाद यात्रा जामखेडतालुक्यातील विविध गावांमध्ये दाखल झाले असून यावेळी आमदार रोहित पवार यांच्यासह जामखेड तालुक्यातील खर्डा, नायगांव ; राजुरी ; नान्नज ; चोडी ; जवळा पोतेवाडी यांच्यासह अनेक वाड्या वस्त्यावरील जनतेशी जाऊन संपर्क साधला. यावेळी लंके म्हणाले की महसूल विभागाच्या पुरवठा शाखेच्या वतीने जो साखर आणि डाळीचा पुरवठा केला जातो तो पुरवठा यांनी दाबला असल्याचा आरोपही केला आहे. तर साखरही प्रवारा कारखान्याची असून कारखान्याची अवस्था तुम्ही काय केली हे सर्वांना माहीत आहे. तर दुसरीकडे आमदार
खासदारांची कामे काय असतात हे जनतेला माहीत असून सार्वजनिक व वैयक्तिक योजना राबविणची जबाबदारी आमदार खासदारांकडे असते. खासदार सुजय विखे पाटील यांनी पाच वर्षात कोणतेही काम न करता साखर डाळ वाटली अशी खोचक टीका निलेश लंके यांनी केली आहे.
आमदार रोहित पवारम्हणाले की विविध योजना व अनुदानाच्या नावाखाली शेतकऱ्यांची फक्त पिळवणूक करण्याचे काम हे सरकार करत असुन भारतीय जनता ; पार्टी ; अजित दादा पवार व आमदार राम शिंदे यांचा चांगलाचं समाचार घेतला . अशा सरकारला आता धडा शिकवण्याची वेळ आली असल्याचे त्यांनी आवाहन केले.
तसेच पत्रकारांच्या विचारलेल्या प्रश्नांना आमदार रोहित पवार यांनी उत्तर दिले .
या जनसंवाद यात्रेच्या सभेसाठी बहुसंखेने नागरिक उपस्थित होते .
