जामखेड (प्रतिनिधी – नासीर पठण ):
रत्नदीप मेडिकल फाउंडेशनचे अध्यक्ष भास्कर मोरेला काल जामखेड न्यायालयाने न्यायालयीन कोठडी सुनावणी होती. यावेळी वनविभागाने ताब्यात घेऊन आज न्यायालयात हजर केले असता न्यायालयाने भास्कर मोरेला चार दिवसांची पोलीस कोठडी सुनावणी आहे.
रत्नदीप मेडिकल फाउंडेशनचे अध्यक्ष भास्कर विरोधात गेल्या दहा दिवसांपासून विद्यार्थ्यांचे आंदोलन व शिवप्रतिष्ठान हिंदुस्तानचे पांडूरंग भोसले यांचे उपोषण सुरु आहे. दि १३ रोजी नगर एलसीबी व जामखेड पोलीसांनी भास्कर मोरेला अटक केली होती. काल जामखेड न्यायालयाने एक दिवसाची पोलीस कोठडी सुनावणी होती आज न्यायालयाने न्यायालयीन कोठडी सुनावणी होती. याचवेळी वनविभागाने भास्कर मोरेला हरीण पाळल्या प्रकरणी ताब्यात घेतले आहे. आज न्यायालयात हजर करण्यात आले यावेळी त्याला चार दिवसांची पोलीस कोठडी सुनावणी आहे.
वनविभागाने दि. १० मार्च रोजी रत्नदीप मेडिकल फाउंडेशन परिसरात तपासणी केली होती यावेळी एक जखमी हरीण आढळून आले होते. यानुसार वनविभागाने रत्नदीप मेडिकल फाउंडेशनचे अध्यक्ष भास्कर मोरे विरोधात वन्य जीव संरक्षण कायद्याखाली गुन्हा दाखल केला होता. यावेळी साहाय्यक वन संरक्षक राहुरी गणेश मिसाळ, मोहन शेळके वनपरिक्षेत्र अधिकारी कर्जत जामखेड, वनरक्षक प्रविण उबाळे, रवी राठोड, शांतीनाथ सपकाळ, नागेश तेलंग, दक्षता पथक बडे डी एम, बी एस भगत, ताहेभाई सय्यद, एस.पी डोंगरे, एस.व्ही चिलगर, एस.एन नेहरकर, आर.एस सुरवसे, एस.के सुर्यवंशी व एच .के. माळशिकारे या पथकाने सदर कारवाई केली होती.
तसेच वनविभागाला अनेक तक्रारी दाखल झाल्या होत्या काही हरीण मारून पुरले आहे अशी तक्रार होती तेव्हा जेसीबी च्या साहाय्याने अनेक ठिकाणी शोधकार्य सुरू होते यावेळी काही प्राण्यांचे केस व एक हाड आढळून आले होते. तपासणी साठी नागपूर येथे फाँरेन्शिक लँबकडे पाठवले आहे.
तसेच कालही काही प्राण्यांचे शिंग आढळून आले होते यानुसार ही तपासणी सुरू आहे.
वन्य जीव संरक्षण कायद्याखाली भास्कर मोरे विरोधात गुन्हा दाखल झालेला आहे. आता जर तपासणी मधे हाड व शिंगे कशाचे निघतात यानुसार परत भास्कर मोरे च्या अडचणीत वाढ होणार आहे.
