श्रीगोंदा (प्रतिनिधी दादा सोनवणे):
8 मार्च म्हणजे सगळीकडे जागतिक महिला दिन म्हणून साजरा केला जातो मात्र श्रीगोंद्यात एका अल्पवयीन मुलीवरती सामूहिक बलात्कार केल्याप्रकरणी दोघांवर गुन्हा दाखल करण्यात आला असून पोलिसांनी दोघांना जेरबंद करत न्यायालयात हजर केल्यावर त्यांना पोलीस कोठडी सुनावण्यात आलेली आहे. जगात सर्वत्र महिला दिनाच्या निमित्ताने स्त्री सुरक्षा, सबलीकरण, समता, महिलांचे अधिकार, शिक्षण,उन्नती आणि समाजात बरोबरीचे स्थान या साठी विविध कार्यक्रमांचे आयोजन केले जात असताना याच दिवशी श्रीगोंदा तालुक्यातील एका गावात एका उमलत्या कळीवर वारंवार अत्याचार होत असल्याचा प्रकार पुढे आला आणि यासंदर्भात gunha दाखल होत दोन नराधमांना अटक करण्यात आली. या घटनेने केवळ श्रीगोंदा तालुकाच नव्हे तर जिल्ह्यात खळबळ उडाली असून नागरिकांतून संतप्त भावना व्यक्त होत आहे.
श्रीगोंदा तालुक्यातील दक्षिणेकडील एका गावातील एका अल्पवयीन म्हणजे नऊ वर्षाच्या मुली वरती दोघांनी सामूहिक बलात्कार केल्याप्रकरणी श्रीगोंदा पोलीस ठाण्यात गुन्हा दाखल करण्यात आला असून यातील मुख्य आरोपी संतोष रामभाऊ पवार व युवराज नंदू शेंडगे यांनी अल्पवयीन मुली सोबत एक महिन्यांपासून वारंवार जबरी संभोग केला असून त्याचे मोबाईल चित्रीकरण केल्यानंतर मोबाईल मधील चित्रीकरण नातेवाईकांनी पाहिल्यानंतर ही बाब त्यांच्या लक्षात आली. त्या नंतर मुलीच्या घरच्यांनी याबाबत या दोघांना विचारणा केली असता त्यांनी सुरुवातीला उडवा उडवीची उत्तर दिली. मात्र प्रकरण चांगलेच अंगाशी येत आहे हे लक्षात आल्यानंतर त्यांनी घडलेल्या सगळा प्रकार सांगितला.
यानंतर मुलीच्या नातेवाईकांच्या फिर्यादीवरून संतोष रामभाऊ पवार, युवराज नंदू शेंडगे यांच्यावर पोक्सो, ॲट्रॉसिटीसह सामूहिक बलात्काराचा गुन्हा दाखल करण्यात आला असून याबाबत पोलिसांनी दोघांना जेरबंद केले असून त्यांना आज न्यायालयात हजर केले असता त्यांना 14 मार्चपर्यंत पोलीस कोठवडी सुनावण्यात आली आहे. या घटनेचा सर्व तपास उपविभागीय पोलीस अधिकारी कर्जत विभाग विवेकानंद वाखारे हे करत आहेत.
जागतिक महिलादिनी असा घृणास्पद प्रकार समोरआल्याने तालुक्यात एकच खळबळ उडाली असून माणुसकीला काळिमा फासणारी घटना पूढे आल्याने नागरिकांत संताप व्यक्त होत आहे.
(सांकेतिक छायाचित्र)
